SAY HELLO TO MY LITTLE FRIEND!!!!

Slóðin inn á Facebook

Fri, 02 Jan 2009 07:28:12 GMT

Sæl aftur:P

Smá mistök í færslunni hér á undan, slóðin inn á síðuna mína á Facebook er http://www.facebook.com/people/Hordur-Gudmundsson/624989202
Og þar hafiði það:haha:
En annars er ég að fara í mótorbátinn Herjólf á eftir, ætla að skjótast uppeftir og ná í litla peyjann minn, hann er nú reyndar ekkert lítill, orðinn 7 ára og þvílíkur töffari8)
Hann verður hjá mér yfir helgina og ég er alveg í skýjunum að fá hann loksins til mín:p Auðvitað er hann búinn að plata gamla manninn til að fara með sér í sund, sem yrði þá í annað skipti síðan ég flutti aftur til eyjunnar fögru, að ég fer í sund hér:haha:
Myndir af Steina litla er hægt að sjá hér á síðunni, tók nokkrar myndir um daginn sem voru nógu litlar til að komast hér inn, set fleiri myndir inn á Facebook seinna í dag eða í kvöld:)
Held ég láti þetta nægja í bili
Vaya Con Dios
Höddi

Myndir

Fri, 02 Jan 2009 07:16:26 GMT

Sælar elskurnar mínar:p

Gleðileg Jól og megi nýja árið verða farsælt fyrir ykkur öll:)

Myndirnar sem ég ÆTLAÐI að setja hér inn, eru að koma inn á síðuna mína á Facebook, slóðin er www.facebook.com/hordurgudmundsson
Meira seinna í dag:)

6 Dagar í besta djamm ársins!!!

Sat, 26 Jul 2008 15:57:50 GMT

Sælar elskurnar mínar
Búin að sakna mín?:haha:
Jæja, nú eru 6 dagar í djamm ársins á Íslandi, og mig er farið að hlakka ofboðslega mikið til:d
Tók smá forskot á sæluna í gær og skrapp á pöbbann, ekki mikið um að vera þar, einhver arfaslök grúppa á Lundanum og þegar ég fór út af Þrastarbar var Ellý Vilhjálms í spilaranum, hef reyndar grun um að það hafi verið gamalt þjóðhátíðarlag sem var þar á ferðinni:|:| En að öðru þessu tengt, gamla góða gengið að norðan er búið að tilkynna komu sína og ég er bara hæstánægður með það;) Þetta eru orðin hvað, 5 ár eða eitthvað síðan við höfum verið svona mörg úr hópnum saman á þjóðhátíð. Vantar reyndar Robba og Sigga Mel:( Við eigum eftir að skemmta okkur konunglega í Dalnum, og for your information, ykkar sem koma á þjóðhátíð, þá verð ég með hvítt tjald innfrá, nánari upplýsingar um staðsetninguna á fimmtudag í næstu viku þegar búið er að tjalda.
Mikið asskoti er ég orðinn leiður á þessu sjókjaftæði, ekkert fiskirí og ekkert gaman, komum í land á þriðjudag, náðum að vísu í einn gám af karfa en held að það bjargi litlu:frown: Mikið að spá að fara að leita annað, nenni þessu ekki, fyrir utan að ég get ekki borgað skuldir ef enginn peningur er til.
Hættur að skrifa í bili, alveg tómur núna
Þangað til næst
Vaya Con Dios
Höddi
P.S Tékkið á tenglinum sem er á aðalsíðunni, Teiknarinn.is Snillingur þar á ferð þegar teikningar eru annars vegar:þ

Muna að kvitta!!!!

Wed, 09 Jul 2008 02:46:48 GMT

Sæl aftur!!!! Langt síðan við höfum heyrst:d

Af gefnu tilefni langar mig að minna alla þá sem heimsækja blogg litla mannsins að KVITTA!!!!
Mér finnst frekar sorglegt að vera að ofreyna minn lítilfjörlega heila við að bulla eitthvað á þessa síðu, sé að það er verið að skoða helling, og fæ síðan engin viðbrögð:frown:
Endilega kvittið í gestabókina:)
Vaya Con Dios
Höddi (Litli maðurinn)

Kraftur í kringum landið!!!

Wed, 09 Jul 2008 02:34:25 GMT

Sæl öllsömul!!!!

Jæja þá er Goslokahátíð lokið. Eins og flestir vita þá er hátíðin aðeins stærri í sniðum 5. hvert ár og það var einnig svo þetta árið. Milli 4 og 5 þús manns heimsóttu okkur Eyjamenn í þetta skiptið, ég gæti nú trúað að meirihluti af þessum fjölda hafi verið brottfluttir Eyjaskeggjar. Erfitt að slíta taugina við fallegasta stað á Jarðríki:haha: Meðal þess sem var að gerast var endirinn á hringferð félaga í Krafti, sem er styrktarfélag fyrir ungt fólk sem hefur greinst með krabbamein. Kraftsfólkið kláraði hringinn á um 3 vikum, byrjaði á 15.. júní í Eyjum og lauk hringferðinni á laugardaginn var, við Skansinn og var hópur fólks samankominn til að fagna tuðrufólkinu. Ekki hef ég neinar upplýsingar um hvað upphæðin var há sem þau söfnuðu en ég veit að mörg stór fyrirtæki styrktu þau til fararinnar, meðal annars fengu þau bensín frá Skeljungi og fleira í þeim dúr. Sannarlega þarft framtak hjá Kraftsfólkinu, En afhverju heyrðist svona lítið um þetta í fjölmiðlum???? Bara pæling, kannski missti ég bara af því:$
Segi þetta gott í bili,meira á morgun:)
Vaya Con Dios
Yours, Höddi

Búinn að fá nýja tölvu

Sun, 08 Jun 2008 22:16:38 GMT

Sæl öllsömul.
Jæja nú er ég búinn að kaupa mér nýja tölvu. Kostaði slatta en það var alveg þess virði:)
Svo nú er ég byrjaður að blogga aftur. Að vísu er það sama gamla sagan, alltaf á sjó og lítið að blogga um nema ég sé í landi. En sjáum til hvernig gengur.
Eitt stórt vandamál; ég get ekki sett inn myndirnar af þjóðhátíð í fyrra, inn á bloggið. Myndirnar eru allar of stórar:^)
Reyni að laga það eitthvað til
Þangað til næst,
Ykkar Höddi

Aftur til Eyja!

Sun, 02 Dec 2007 18:31:25 GMT

Sæl öllsömul!!

Ég vil byrja á því að segja eitt í þessari færslu. Þegar áhöfnin á Bjarti var úti á Jamaica fékk ég hringingu frá bróður mínum sem færði mér mikla sorgarfrétt. Faðir minn, Guðmundur Ingi, lést aðfaranótt 10. Nóv. síðastliðinn. Hann var jarðsettur í Eyjum, þann 24. Nóv. síðastliðinn:cry:
Þar sem ég er eini erfingi pabba, lítur út fyrir, allavega eins og er, að ég fái að halda húsinu sem pabbi bjó í í Eyjum. Undanfarna daga er ég búinn að vera í samningaviðræðum við Sparisjóðinn um yfirtöku á lánum sem hvíla á húsinu. Og þær hafa gengið á hinn besta veg hvað mig varðar.
Þannig að núna er ég að spá í að flytja aftur til Eyja, vera sjálfur á neðri hæðinni, og leigja út efri hæðina. Það þýðir líka að ég hætti á Bjarti og fer alfarinn frá Norðfirði.
Þetta byggist að sjálfsögðu á því að ég fái gott pláss hér í Eyjum.

Aðeins um Jamaica; þetta land er algjör snilld. Fólkið úti er svo almennilegt og skemmtilegt að mér finnst vera leitun að öðru eins:)
Mínusinn við ferðina var að fartölvan mín skilaði sér ekki til Íslands með hinum töskunum mínum:^) Ég þarf að athuga hvort ég sé ekki örugglega tryggður fyrir því, og ef svo er þá fæ ég örugglega aðra tölvu í staðinn:haha: Sem er hið besta mál, því ég kann því mjög illa að vera tölvulaus:frown:

Jæja, látum þetta nægja í bili, meira næst
Vaya Con Dios
Höddi

Hættur við að flytja!!

Sun, 02 Dec 2007 18:12:10 GMT

Sælar elskurnar!!

Ég er hættur við að flytja á Seyðisfjörð, fannst það of mikill séns að flytja þangað og komast svo kannski ekki yfir á Norðfjörð vegna veðurs. Ég fékk aðra íbúð, kvöldið áður en ég ætlaði að flytja yfir, var bankað hjá mér og mér boðin íbúð fyrir fína upphæð. Ég ákvað að taka því bara og flutti inn 4 dögum síðar:D
Svo er ég bara búinn að vera á sjó síðan og uni mér vel í nýju íbúðinni minni, líka aðeins meira pláss í þeirri nýju en gömlu:haha:
Meira næst
Vaya Con Dios

Höddi

Flutningur

Sun, 07 Oct 2007 17:53:54 GMT

Sælar elskurnar mínar!!!

Af gefnu tilefni langar mig að byrja á að segja ykkur eitt; ef ég VIRÐIST vera inni á MSN en svara ekki, þá er ég EKKI inni!!. Mér finnst það argasta ókurteisi að vera inni og svara ekki:^)
Ég frétti að msnið mitt hefði haft sjálfstæða hugsun meðan ég var úti á sjó, svo hér hafið þið það.
OK, að öðru, ég er að fara að flytja núna allra næstu daga. Svosem ekki spennandi að fara úr einu krummaskuði yfir í annað en svona er þetta bara. Ekkert húsnæði í boði á Norðfirði, svo ég ætla að flytja á Seyðisfjörð. Hitt er svo annað mál að ef það væru ekki 2 Seyðfirðingar með mér á Bjarti, þá færi ég ekki að flytja þangað:).
Spurning hvernig ég flyt dótið mitt þangað, sem er svo sem engin ósköp, bara föt og svo tölvan og það sem fylgir henni. Ljósi punkturinn í þessu máli öllu saman er leiguverðið sem er fáránlega lágt á Seyðisfirði, en fáránlega hátt á Norðfirði:^) Veit ekki hvort ég fer yfir á morgun eða hinn, en það verður sennilega ekki mikið um bloggfærslur þangað til ég er búinn að koma mér fyrir.

Ef þið viljið fá að skoða myndir, þá er bara um að gera að senda póst á bigteddymeister@gmail.com og biðja um password. Myndirnar mínar eru allar inn á Safninu hjá Símanum þar sem þið getið skoðað þær að vild:haha:

Jæja, nóg í bili, meira í kvöld jafnvel, ef ég verð ekki önnum kafinn við að pakka niður, lofa engu þá svík ég ekki neitt:)

Bless í bili

Vaya Con Dios

Höddi

Latur að skrifa!!!

Mon, 24 Sep 2007 08:42:30 GMT

Jæja, þá er kominn tími á að skrifa eitthvað bull!
Hef ekki nennt að skrifa í 1 og hálfan mánuð nærri því, svo nú ætla ég að bæta úr því.
Byrjum á Tallinn, og þá byrjum við á að tala um flugvélarnar sem við tókum út. ALDREI aftur ætla ég að fljúga með Estonian Air, þröngar vélar, lítið til um borð og léleg þjónusta:^) SS arfaslakt flugfélag. Nóg um það.
Tallinn er bara snilldarborg, frekar dýr en það er alveg hægt að finna ódýra vöru þarna úti.
Áfengi og tóbak kosta mjög lítið, svo og raftæki. Ég held að flestir ef ekki allir í ferðinni hafi skemmt sér mjög vel.
Áhöfnin á Bjarti fór saman út að borða á föstudeginum, fórum á eistneskan stað, mér fannst maturinn í lagi, en hefði mátt vera meira af honum. Svo á laugadeginum var Gala-kvöldið hjá Síldarvinnslunni, mikið borðað og mjög mikið drukkið:D Ég reyndar lét mig hverfa eftir borðhaldið, nennti ekki að hanga yfir þessum ræðuhöldum, var alveg búinn að fá nóg af slíku:^)
Slæma hliðin á þessari ferð okkar var, að einn var laminn mjög illa, og 2 voru rændir, svosem ekkert við því að gera en það er alltaf leiðinlegt að lenda í slíku.

Svo eftir einn og hálfan mánuð ca, fara Bjartsmenn í sína ferð, til Jamaica, sem verður örugglega mjög gaman vona ég. Við förum út 7. nóvember svo það sé á hreinu.

Ég er búinn að segja það sem ég hef að segja í augnablikinu svo við segjum þetta gott í bili, tek frí næsta eða þarnæsta túr, svo það verður sennilega færsla á hverjum degi, vona ég, og þá koma væntanlega myndir frá Tallinn inn á Safnið líka.

VAYA CON DIOS,
Höddi

Enn í fríi!!!

Mon, 13 Aug 2007 18:19:59 GMT

Sæl öllsömul!!!

Já kallinn er barasta enn í fríi:lol: Og ég sem hélt að ég væri að fara á sjó á föstudaginn var, en þeir á Bjarti koma ekki inn fyrr en á hádegi á þriðjudag og fara aftur á hádegi á miðvikudag, svo ég er búinn að vera í frí í nærri 3 vikur þegar ég fer aftur á sjó:) Samt, ég er að verða blankur svo ég verð að fara á sjóinn fljótlega, sagði ég um helgina. Það er ekki gott peningalega séð að vera svona lengi í fríi.

Ég er í heimsókn hjá einum skipsfélaga mínum, sem er líka í fríi, hann hringdi og bauð mér í kaffi. Svo auðvitað kom í ljós að það voru tölvuvandræði á kallinum og að sjálfsögðu var hringt í mig til að redda málunum:haha: Ég reddaði þessu veseni hjá honum og er núna að misnota tölvuna hans á meðan hann skrapp í búðina;)

Þetta er búið að vera þvílíkt gaman að vera í fríi, kíkja til eyja að ógleymdri þjóðhátíð. Svo styttist í Tallinnferðina hjá okkur í SVN. Réttur mánuður í hana,svo maður nær kannski að vinna sér inn svona eins og 200 þús áður en það skellur á:haha:

Munið að senda meil á bigteddymeister@gmail.com til að fá password inn á safnið hjá símanum:)

En jæja, veit ekki hvað ég get skrifað meira, alveg hugmyndalaus í augnablikinu:S
Segjum þetta gott í bili,
Vaya Con Dios
Höddi

Þjóðhátíð búin

Tue, 07 Aug 2007 16:37:49 GMT

Sæl öllsömul!!!!

Þjóðhátíð búin og maður er svona að byrja að jafna sig eftir helgina8)
Það var bara gaman í Eyjum og hellingur af söngvatni innbyrtur:) Það var slatti
af fólki inn í dal, svona ca 11 þús manns:lol: og dúndrandi gott veður ALLA helgina
ég tel fimmtudaginn ekki með, það var öllum bannað að tjalda inn í dal þá um kvöldið,
vegna veðurs:( en það rættist úr því sem betur fer:D Flugeldasýningin var svona allt
í lagi, frekar stutt miðað við undanfarin ár en mjög flott og margar stórar bombur.

Skipið mitt fór út í gærkvöldi frétti ég þannig að ég býst fastlega við að ég fari heim
á morgun og svo á sjóinn fyrir næstu helgi, ekki gaman:( En þetta er starfið mitt og
maður verður að mæta í vinnuna allavega svona af og til:S
Helsta tilhlökkunarefnið í augnablikinu er ferðin sem við hjá SVN förum í í næsta mánuði,
svo var ég finna 2 gamla skólabræður mína á myspace síðunni og þeir eru að reyna að
draga mig með á Ormsteiti í endaðan ágúst, verðum að sjá til hvernig statusinn verður
hjá mér, ætlaði reyndar ekki að taka mér frí fyrr en í byrjun sept, út af tónleikunum með
Chris Cornell. En eins og ég segi, það verður bara að koma í ljós. Vissulega yrði það gaman
enginn vafi:D

Ég ætla að hætta núna, og það kemur meira í kvöld af bloggi hjá mér og btw emailið mitt er
bigteddymeister@gmail.com Ef þið viljið skoða myndir, sendiði mér mail og þá fáið þið sent
password til að komast inn á Safnið, þar sem þær eru;)

Vaya Con Dios
Höddi

Besta Djamm Ársins!!!!!

Sat, 04 Aug 2007 14:27:09 GMT

Sæl Öllsömul

Nú er besta útihátíð landsins byrjuð og bara gaman að vera til.
Bekkjarbílar, Dalurinn, Brennan, Hvítu tjöldin, Reyktur lundi, allt er þetta hluti af djammi ársins.
Það getur nú komið fyrir að menn drekki vitlaust eins og yours truly í gær. Ég hef ALDREI orðið svona slæmur á þessu besta djammi landsins. Vonandi verður betra ástand í kvöld.
Brennan var mjög flott, eins og alltaf reyndar, og tókst vel til að fíra upp í kestinum.
Finnbogi stóð sig alveg með prýði (Fyrir þá sem ekki vita er Finnbogi Brennukóngur, þe hann sér um að kveikja í Brennunni) Núna, þegar þessi orð eru skrifuð sit ég úti á svölum hjá mömmu, í þvílíkt góðu veðri. Hver hélt því fram að það yrði vitlaust veður úti í Eyjum um helgina???:lol:
En jæja, þið sem viljið skoða myndir, verðið að senda mér meil og fá password fyrir Safnið hjá Símanum, þær verða allar settar þar inn.
Bið að heilsa í bili, og góða skemmtun hvar sem þið eruð:)
Vaya Con Dios
Höddi

PS það kemur meira seinna í dag, ef aðstæður leyfa:)

Myndirnar eru á leiðinni

Mon, 30 Jul 2007 12:34:13 GMT

Sæl öllsömul!!!

Jæja, þá er þetta allt að gerast!! Meðan ég er að skrifa þetta stritar tölvan mín blessuð við að færa allar myndirnar mínar yfir á safnið fyrir ykkur að skoða, allavega hluta af þeim:D
Og fyrir ykkur sem voru á þjóðhátíð 2002, þá er smá glaðningur handa ykkur, taki þeir til sín sem eiga það;)

Nú er kallinn kominn í frí um óákveðinn tíma, það er ekki vitað með vissu hvenær farið verður út aftur eftir þjóðhátíð, en ef þriðjudagur eða miðvikudagur verða ofaná þá sleppur þetta sennilega.
Ég er bara búinn að liggja í leti síðan á föstudag, aðallega að glápa á bíómyndir og sötra bjór:haha: Tölvan mín nýja var með einhverja stæla við mig, neitaði að starta sér upp.
Hvað er þetta með mig og kvenkyns tölvur???:klikk:
Var að panta flug suður á morgun en ansans vesen að ég skuli þurfa að vera nótt í bænum:( hefði helst viljað vera laus við það en jæja. Á nefnilega flug snemma á miðvikudag til Eyja.
Ég held að mesta brasið verði að komast með Bjartsbjórinn með mér suður, það er heill kassi eftir og mig kvíðir svoldið fyrir að burðast með hann með mér, plús allt annað.
Jæja þetta er nóg í bili held ég. Færi meira inn í kvöld ef ég get

Vaya Con Dios

Höddi

Myndirnar margumtöluðu

Sat, 21 Jul 2007 07:28:31 GMT

Sæl öllsömul!!!!

Nú þarf ég aðeins að kvarta yfir þessu blogcentral dæmi.
Myndir sem settar eru inn á blogcentral síðuna mega ekki vera stærri en 1 mb. Hvaða sérviska er það??????
Ég tek yfirleitt myndir á mestu gæðum og þá eru þær farnar að nálgast 2 mb. Þetta er náttúrulega alveg fáránlegt:(
En jæja, ég er búinn að finna lausn á þessu, til er nokkuð sem heitir safnið hjá Símanum;)Ég set myndirnar mínar þar inn til geymslu og ég get skilst mér hleypt fólki þar inn til að skoða þær myndir sem ég vil láta skoða. Held að þetta sé eina og skásta lausnin:D
Þetta Safn hjá Símanum er algjör snilld, ég er með geymslupláss upp á 10 gb og borga 890 kr á mánuði fyrir það, smá vesen ef maður er að setja margar möppur með myndum inn í einu en það eru leiðbeiningar þarna inni fyrir ykkur sem viljið prófa.
Mæli tvímælalaust með þessu, myndirnar á öruggum stað og engin hætta á að missa þær þó að tölvan hrynji eða minniskortið í vélinni eyðileggist:klikk:
En semsagt ég er búinn að setja slatta af myndum þarna inn og smávegis eftir. Nú á bara eftir að skoða möppurnar og ákveða hverjar þeirra ég stilli þannig að þið getið skoðað. Notendanafn og lykilorð kemur í tölvupósti til ykkar sem vilja skoða:haha:

Núna er ég bara að bíða eftir klukkunni, við förum frá Norðfirði klukkan níu með rútu yfir á Eskifjörð og svo á sjó kl 10. Hvenær við verðum inni er óákveðið en vonandi á miðvikudag eða fimmtudag, ekki seinna vona ég allavega. Sennilega verður þetta 1 túr hjá mér áður en ég fer í frí fyrir djamm ársins:klikk: Ég fer eins og ég sagði í gær til Eyja þann 1. ágúst svo þetta kemur í ljós fljótlega eftir helgi. Ef við lendum í moki þá næ ég öðrum túr, og það vona ég að verði raunin.

En núna verð ég að hætta, held að nýja tölvan mín sé að bræða úr sér:D

Þangað til næst
Vaya Con Dios
Höddi